المنتدى التونسي موقع الأخبار التونسي 
على اثر ما صرح به وسيم ميغالو أنه كان وراء وصوله إلى التلفزة وهو من عرّفه على صاحب قناة الحوار التونسي سامي الفهري رد الإعلامي نوفل الورتاني في برنامج #ديما_لاباس:
ميقالو كذاب .. أنا ماحكيتش بلغة أنا عملتو ومستحيل نقولها خاطر ميقالو إلي عملتو موهبتو … أنا إلي استدعيتو أول مرة للإعلام وكنت سبب طبعا باش يطلبو نورالدين بوطار ويجي لموزاييك … بالنسبة إلي قالو هو عرفني بسامي الفهري فيكذب لأنو أنا نعرف سامي من عام 2000 وخدمت معاه في برنامج “واحد من سبعة” … ميقالو هزني وعرفني بسامي لكلو كذب هذا … أنا كان جاء ميقالو عرفني بسامي راي علاقتي بسامي انقطعت من الشهر الأول … ميقالو صنع روحو في موزاييك ونجح وأنا ضد إلي عملتو موزاييك انو كي تطيح rendement متاعو يتخلاو عليه … أحنا في تونس عندنا نظرية العبودية كي أنا خرجت من الحوار ولا من موزاييك 2010 لعباد تسبك أما كيف تطردك موزاييك ولا تطرد ميقالو تولي عادي … نعتبر ميقالو عمل نقطة قوة موزاييك خاصة في الصباح وإلي خلاها هي الأولى في الصباح كان بسبب ميقالو أما كي تطيح rendement متاعو يطردوه
